Energetİka kafedrası

1. Kafedranın yaranması və fəaliyyət dövrü

“Elektroenergetika və istilik energetikası” kafedrası 1995-ci ildə “İstilik texnikası və energetikası” adı ilə fəaliyyətə başlamışdır. 2010-cu il tarixdən tədrisin yeni standartlarının tətbiqi ilə əlaqədar olaraq kafedranın adında dəyişiklik aparılaraq “Elektroenergetika və istilik energetikası” adlandırılmışdır.

Azərbaycan Respublikası Prezidentinin 24.07.2015-ci il tarixli müvafiq sərəncamı ilə Mingəçevir Politexnik İnstitutunun bazasında Mingəçevir Dövlət Universiteti yaradılmışdır. Buna uyğun olaraq, yenidən formalaşan “Elektroenergetika və istilik energetikası” kafedrası 2016-cı ildən universitetin rektorunun müvafiq əmri ilə “Energetika” kafedrası adı ilə fəaliyyət göstərir.

Fəaliyyət göstərdiyi bütün dövrlərdə kafedra Azərbaycan Respublikası Təhsil Nazirliyinin “Ali məktəblərin kafedraları haqqında əsasnamə”ni rəhbər tutmuş və işini bu əsasnamənin müddəalarına əsasən qurmuşdur. Kafedrada bakalavr təhsil pillə­si üzrə tədris həm əyani, həm də qiyabi formada apa­rılır. Kafedranın əməkdaşları tələbələrlə səmə­rə­li iş qurmağa çalışırlar. Lazımı hallarda kafedrada olan ədəbiyyatlar, eləcə də müəllimlərin şəxsi kitabxana fondunun ədəbiyyatları da tələbələrin sərəncamına verilir.

Fənlərin tələbələr tərəfində daha yaxşı mənimsənilməsində dərs vəsaitlərinin rolu danılmazdır. Kafedranın bütün əməkdaşları tədrisin keyfiyyətinin artırılması, tələbələrin elmi-yaradıcılıq qabiliyyətinin yüksəldilməsi, kitabla işləmə bacarığının formalaşdırılması üçün universitet kitabxanasının imkanlarından istifadə etməyə çalışır. Bundan başqa institutun kitabxanasının dərslik və dərs vəsaitləri ilə təmin olunmasında yaxından iştirak etməyə çalışırlar. Kafedrada tədris olunan ixtisas fən­ləri müasir tələblərə uyğun olaraq təkmilləşdirilir.

1995-2007-ci illərdə kafedrya f.r.f.d., dosent Mustafayev Fazil Mehrəli oğlu rəhbərlik etmişdir. 2007-ci ildən kafedra müdiri tex.f.d., dosent Aşurova Ülkər İzzət qızı təyin olunmuşdur. Ülkər Aşurova universitetin yaradılması ilə əlaqədar yenidən təşkil olunan “Energetika” kafedrasının müdiri vəzifəsində fəaliyyətini davam etdirir.

2. Rəhbərlik (kafedra müdiri haqqında qısa məlumat)

Aşurova Ülkər İzzət qızı 1974-cü ildə Əli Bayramlı (indiki Şirvan) şəhərində anadan olub. 1996-cı ildə Mingəçevir Politexnik İnstitutunun “Energetika və mexanika” fakültəsini fərqlənmə diplomu ilə bitirib. 1996-cı ildən Mingəçevir Politexnik İnstitutunda çalışıb. 1996-1998-ci illər ərzində institutun “Fizika, elektronika və izolyasiya texnikası” kafedrasında laborant, 1998-ci ildən isə “İstilik texnikası və energetikası” kafedrasında müəllim, sonra isə baş müəllim vəzifəsində işləmişdir.

Ü.İ.Aşurova 1998-ci ildə Azərbaycan Dövlət Neft Akademiyasının aspiranturasının qiyabi şöbəsinə daxil olmuş, 2005-ci ildə ”Buxarlandırıcı boruların temperatur rejimləri” mövzusunda dissertasiya işini müdafıə edərək texnika üzrə fəlsəfə doktoru elmi dərəcəsini almışdır.

2007-ci ildə Ü.İ.Aşurova müsabiqə yolu ilə “İstilik texnikası və energetikası”  kafedrasının müdiri vəzifəsinə seçilmiş və hazırda “Energetika” kafedrasının müdiri vəzifəsində çalışır. 2009-cu ildə rektorun əmri ilə dosent ştatında işləyir. 

Ü.İ.Aşurova 2015-ci ildən Azərbaycan Texniki Universitetinin elmlər doktoru proqramı üzrə doktorantıdır.

3. İxtisas haqqında 

Kafedra yarandığı dövrdən 2007-ci ilədək “İstilik elektrik stansiyaları” ixtisası üzrə tədris aparılırdı. 2007-2008-ci tədris ilindən iki ixtisas üzrə – T030200 “Elektroenergetika şəbəkələri və sistemləri” və T040100 “İstilik elektrik stansiyaları” ixtisasları üzrə tədris aparılmağa başladı. 2009-2010-cu tədris ilindən yeni standartlara uyğun olaraq bu ixtisasların adları dəyişdirilmış və uyğun olaraq 050608 “Elektroenergetika mühəndisliyi” və 050609 “İstilik energetikası mühəndisliyi” adlandırılmışdır.

Kafedrada bakalavr pilləsi ilə yanaşı 2016/2017-ci tədris ilindən magistr təhsil səviyyəsi üzrə 060608 “Elektroenergetika mühəndisliyi” və 060609 “İstilik energetikası mühəndisliyi” ixtisasları üzrə Azərbaycan  Respublikası Nazirlər Kabinetinin 12 yanvar 2009-cu il tarixli 08 saylı qərarı ilə təsdiq edilmiş qeyd olunan ixtisas da fəaliyyət göstərir.

4. Tədris olunan fənlər

5. Çap olunmuş vəsaitlər haqqında (dərslik, dərs vəsaiti)

1. Hüseynov T.Ə. İstilik texnikasının əsaslarından laboratoriya işlərinə rəhbərlik, Bakı, 2004.

2. Hüseynov T.Ə., Eyyubova K.S. Konvektiv istilik mübadiləsi və aqreqat halı dəyişdikdə istilikvermə, Bakı, 2009.

3. Əfəndiyevin M.L. “Yanacaqlar və yanma nəzəriyyəsi” Dərs vəsaiti.

6. Kafedra əməkdaşları haqqında məlumat